أكد الإعلامي عمرو أديب، أن الإسرائيليين لا يتمنون على الإطلاق أن يحدث صدام مع مصر، مشيرا إلى أن حدوث ذلك يعد أكبر كابوس لديهم.
وقال أديب، خلال برنامج "الحكاية" المذاع على قناة "إم بي سي مصر": "لقيت ناس كتير كاتبة الأول غزة وبعدين لبنان ومصر عليها الدور عليها الدور في إيه؟ إنت عارف أنت بتتكلم عن إيه، لقيت ساعة كده زي الملاحة يرش كده فتلقى التايم لاين كده".
وأضاف: "عليها الدور في إيه؟ هو حد يجرؤ يفكر؟ إحنا لحمنا مر أوي إحنا مشكلة إحنا ما بنتبلعش، إنت بتتكلم عن الجيش المصري إنت بتكلم عن إمكانيات مذهلة إنت بتكلم عن الجنود المصريين وجيش عمره 5 آلاف سنة".
وتابع: "أنا بس قولت طيب هما تخيلوها إزاي؟ هو في حد يفكر يقرب لك؟ إسرائيل لا تتمنى في أكبر كوابيسها بأجن قيادتها أن يكون في مشكلة مع مصر، الشعب الإسرائيلي نفسه لا يستطيع أن يقبل أن يكون عنده مشكلة مع مصر دا فيلم الرعب ويطير فيها رقاب في إسرائيل".
وواصل: "لما تكلموا على مصر أتكلم باحترام الدور على مصر زي امتي وزي إيه؟ الجيش ده والسنين دي والإمكانيات دي؟ المدرعات دي والبحرية دي والقوات الجوية دي؟ إنت بتكلم في إيه إنت بتكلم في مشكلة واللي بيكتب تتشل إيده قبل ما يتكلم عن مصر".
وأوضح: "نتفهم ظروف أخوة لينا كثيرين ممكن يكون معندهمش القدرة دي إنت عارف عدد الجيش بتاعنا كام، ومدرعاتنا قد إيه لما بيجيوا يقارنوا في المنطقة دي مش هقولك إحنا نمرة واحد ولكن في أسلحة معينة محدش قدك".
وأكمل: "هي القوة العسكرية دي إيه؟ الطاقة البشرية الموجودة عندك ومصر مش سهلة إن إنت تيجي تلاقي الأسعار زادت أو في مشاكل ماشي إنما الدور على مصر؟ أنا خايف لمرة في التلاتين سنة أطلع لفظ صعب".
وذكر: "يعني قولي إيه، يعملولك مشكلة أو يحاولوا يحتكوا بيك إنما في النهاية البلد دي قول عنها اللي إنت عايزه وقول الطيارة اللي طالعة بتاعة مصر للطيران التكييف بايظ أو قرية مفيهاش اللي إنت عايزة إنما لف كده واتكلم عن المؤسسة العسكرية والدور على مصر؟".
واختتم: "دي جيوش وأرقام وفلوس وعرق وتعب ودم المصريين اللي بنوا الجيش ده، الجيش ده مجاش صدفة وأرجوك عندما تتحدث عن مصر أقف كده واتعدل واعرف أنت بتكلم عن مين".
