نفت الفنانة رانيا فريد شوقي اعتزالها الفن من خلال بوست قامت بنشره على صفحتها الشخصية على موقع التواصل الاجتماعي فيس بوك وذلك للتضامن مع الفنان كريم الحسيني.
وقالت رانيا فريد شوقي عبر صفحتها الرسمية على موقع التواصل الاجتماعي فيس بوك: «انا لم اعتزل التمثيل نهائيا♥️ وهذا الخبر كاذب.. قالك رانيا اعتزلت التمثيل كل ده عشان نشرت بوست يخص زميلي كريم الحسيني لأني تأثرت بكلامه وبعتز بصداقته و احترم موهبته و لازم نعترف ان في مشاكل في المجال الفني وبنحاول نساعد بعض هو كتب انه اعتزل السعي في الوسط الفني و اعتزل ما يؤذيك و كلامه كله بصيغه مذكر و كله معلومات فنيه عنه كفنان زي ما شيرت قبلها بيوم بوست برضه لأحمد عزمي. بحاول اساعد خدتوا البوست وعملتوا خبر كاذب بسبب ان اللي بيشوف مش بيقرا كل الكلام و لا بيركز فيه و لا حد بيراجع الخبر المهم اللحق انزل خبر قبل حد تاني دي مشكله كبيرة لما بعض من السادة الصحفيين مابيقروش البوست كله و لا مركزين ان اسم الزميل مكتوب علي البوست و لا حتي يتصل يسأل قبل ما ينزل الخبر يبقي بجد عندنا مشكله كبيرة اوي حزينة بجد احنا بقينا في عشوائية و اعتقد ان كتير من السادة الصحفيين المهنين نفس شعوري لانهم اتعلموا أصول المهنة علي يد أساتذة كبار و انا من الشخصيات اللي الحمد لله علاقتي بالسادة الصحفيين جيده و ليا أصدقاء كتير بعتز بصداقتهم جدا و عشرة عمر جميل ارجو من البعض تحروا الدقة قبل نشر أي خبر احترامي للجميع»
