اتكلمنا كتير عن تصدير العقار ولسه هنتكلم تاني لانه سوق عالمي ويقدر يحول دفة وشكل الاقتصاد المصري.. ايه الي بيحصل دلوقتي في سوق العقارات المصري الفاخر والسوق دا هيقدر يوفر كام مليار دولار لمصر في السنة.. خليكم معانا للآخر وهتعرفوا التفاصيل كلها في الفيديو ده ..
الاول خلونا نتكلم إن تصدير العقار دلوقتي من أهم الموارد المالية للدول وبقي التنافس فيه بين الدول زي التنافس على الأسواق السياحية بالظبط وعلى وجه التحديد فيه صراع كبير بين دول الشرق الأوسط وشرق أوروبا على تصدير العقار واللي هو ببساطة عبارة عن بيع المنتجات العقارية للأجانب على نطاق واسع لدعم وتطوير القطاع العقاري وزيادة التنافسية فيه أو سد فجوة القائمة بين العرض والطلب أو حتى كوسيلة لرفع نسبة المبيعات.
وعشان نعرف قد ايه تصدير العقار كفاية تعرف إن تركيا مثلا قررت تمنح الجنسية التركية لاي أجنبي يشتري عقار باكتر من 400 ألف دولار ضمن تسهيلات لجذب للمستثمرين العقاريين الأجانب لشراء عقارات فيها... وبلغة الأرقام العالم بيبيع وحدات سكنية وادراية وعقارية بـ 300 مليار دولار في السنة وفيه دول زي إسبانيا وتركيا واليونان وقبرص ودبي كل واحدة فيهم بتصدر او تبيع عقار بمتوسط 15 مليار دولار لكل دولة.
طيب ايه موقف مصر من سوق العقارات وتصديرها؟
تقدر تقول كده إن مصر هتكون التوب أو في صدارة الدول اللي هتسيطر على سوق تصدير العقار في حوض البحر المتوسط والشرق الأوسط ودا بسبب المشروعات الضخمة العقارية اللي بتعملها دلوقتي في كل أنحاء مصر وخاصة في المناطق الساحلية زي طفرة العقارات الفاخرة اللي بتتبني دلوقتي في الساحل الشمالي كله في سواء في العلمين الجديدة أو رأس الحكمة ورأس جميلة وعلى طول ساحل البحر الأحمر ومشروع رأس بناس وغيره من المشروعات العقارية العالمية اللي بتم في مص دلوقتي واللي خلتها محل اهتمام وجذب السوق العالمي في العقارات الفاخرة.
ومصر هتبقي رائدة في سوق العقار العالمي لأن أغلب المشروعات اللي بتعمل دلوقتي ليها علاقة بقطاع السياحة والسفر والتسويق والترفيه وكلها مشروعات مطلة على اجمل شواطئ العالم ودا اللي هيديها أهمية كبيرة وقيمة كبيرة لأنها هتوطن براندات هامة في قطاع الفنادق والمطاعم العالمية والمنتجعات والعلامات التجارية المختلفة واللي ليها علاقة بالنشاط التجاري والتسويقي والسياحي و التجارب بتأكد ان الدول الاقدر على تصدير العقارات تكون أكثر الدول انتعاشاً للسياحة.
ونشاط تصدير العقار في العالم بيعتمد بشكل كبير على أهمية الصناديق العقارية، وحسب الاحصائيات حوالي نصف قيمة التصدير العقاري حول العالمب يتم من خلال صناديق عقارية والنصف التاني من أفراد أو صغار المستثمرين. كما ان حجم الأصول العقارية على مستوى العالم تجاوز 4 تريليونات دولار، 60% منها تمتلكها وتديرها صناديق عقارية.
ببساطة كده مصر داخلة على سوق عالمي واعد وهيكون ليها حصة كبيرة فيها بفضل المشروعات الضخمة اللي بتعمل دلوقتي ومصر تقدر تدخل مليارات اكتر من إيرادات قناة السويس في السنة ودا هيكون دخل جديد لسوق الصرف في مصر ودخل مهم جدا ودي فايدة إضافية لصفقات زي رأس الحكمة ورأس بناس ورأس جميلة والمشروعات في المدن الجديدة واللي هتخدم السياحة والعقار والتسويق وسوق الصرف وهتوفر مليارات الدولارات سنويا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
