إيه اللي هيحصل في سوق السيارات اليومين دول وليه الاسعار بتزيد رغم إن سعر الدولار مستقر أو بينزل وإيه علاقة سيارات المعاقين بزيادة الاسعار.. قبل ما تفكر تشتري عربية شوف الفيديو دا للأخر
كلنا ملاحظين إنه على مدار 20 يوم تقريبا اسعار الدولار بتزل في البنوك بشكل ملحوظ بسبب ارتفاع التدفقات الدولارية ودا عمل استقرار كبير في الاسواق الفترة اللي فاتت وكان المفروض يحصل هبوط في اسعار السيارات لو الامور مشيت بالمنطق لكن الغريبة إن اسعار السيارات زادت بشكل غير مبرر ودا رأي خبراء الاسواق.
طيب ليه اسعار السيارات بتزيد رغم استقرار الدولار؟
زي ما قلنا ارتفاعات اسعار السيارات مش منطقية في ظل عدم وجود أي أسباب جوهرية تدفع أسعارها إلى الارتفاع بالشكل دا لكن الأمين العام لرابطة مصنعي السيارات في مصر، قال إن فيه سببين لزيادة أسعار السيارات، أولها الطلب المتزايد على أنواع سيارات محددة ودا بيدفع الأسعار للزيادة بشكل كبير في السوق المحلية أما السبب التاني فهو إن عدد السيارات اللي ييتم استيرادها من الخارج أقل بكتير من احتياجات السوق يعني الطلب أكبر من العرض ودا طبيعي يخلي الأسعار تزيد.
وقال المسئول إن العملة الصعبة والمقصود بيها هنا طبعا الدولار هي اللي بتقود عملية استيراد السيارات من الخارج، لأن الاستيراد يكون بالعملة الصعبة مش بالجنيه المصري ودي النقطة اللي بنتكلم فيها وبنقول إن الدلار بينزل ليه اسعار السيارات بتزيد وهنا جاوب مسئول رابطة السيارات وقال إن الشحنات اللي جاية متسعرة أو مدفوع تمنها بالدولار قبل عمليات النزول الأحيرة وبالتالي هتتباع بأسعار أعلي.
طيب ايه علاقة سيارات المعاقين بأزمة الأسعار الأخيرة؟
رئيس رابطة تجار السيارات في مصر، أسامة أبو المجد، اتكلم عن النقطة دي تحديدا وقال إن شراء سيارات ذوي الهمم بيهدر على الدولة في السيارة الواحدة 7 مليون جنيه، وهي قيمة الجمارك اللي بتتحملها الدولة لدعم المواطن من ذوي الهمم.
وإن عقوبة المخالفين بتوصل لمصادرة السيارة ودفع غرامة لا تقل عن 30 ألف جنيه إضافة إلى سداد قيمة الجمارك كاملة وإن السبب الرئيسي وراء تشكيل وزارة المالية لجان لحصر المستفيدين من إعفاءات سيارات المعاقين، هو رصد مخالفات، أهمها استخدام الأصحاء لسيارات ذوي الهمم.. يعني فيه تلاعب كبير ودا خلي فيه أكتر من 10 الاف سيارة معاقين محتجزة في الجمارك ومش هتدخل غير لما الدولة تعرف رايحة لمين ومين اللي بيستوردها ودا غير إن الحكومة بتدرس دلوقتي توقف الاستيراد نهائي بالنسبة لسيارات ذوي الهم لمدة من 5 الى 10 سنين لغاية ماتشوف اجرااءات تانية تضمن بيها وصول السيارات دي لمستحقيها وأكيد طبعا وقف دخول عدد كبير من السيارات حتى لو كانت مخصصة لفئة معينة هيعمل عجز في المعروض ودا بطبعه هيرفع أسعار السيارات أكتر.,
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
