المصريين كلهم من شهور طويلة مستنين قرار وزير السياحة والآثار بفتح باب العمرة للموسم الجديد خصوصا إن تأخر أوي عن كل سنة، يا تري اية اللي بيحصل في موسم العمرة واسعار البرامج هتوصل لكام.
موسم العمرة في مصر في الموسم الحالي تاخر جدا في فتحته قدام الناس اللي عايزه تسافر علشان تعمل المناسك عن كل اللي السنين اللي فاتت، خصوصا ان السفر للحج والعمرة واحدة من الفسح اللي كل الناس بتنسناها من سنة للتانية علشان يسافروا للسعودية ويزور بيت الله الحرام ويزور قبر الرسوم ويشروبوا من مياة زمزم، والزيارة دي بتعتبر فسحة المشتاق اللي بيستناها من سنة للتانية.
طيب اية اللي بيحصل في موسم العمرة للموسم الجديد لعام 1446 هجرية؟.
أخيرا وبعد طول انتظار، شريف فتحي وزير السياحة والآثار، اعتمد الضوابط والقواعد والإجراءات المنظمة لتنفيذ رحلات العمرة لموسم 1446هجرية، وهتبدأ الوزارة تسمح بتفويج رحلات العمرة للموسم في شهر سبتمبر الحالي.
ضوابط العمرة للموسم الحالي اشترطت ان يكون مفيش أي مواقف قانونية علي الشركات اللي عايزة تشتغل في موسم العمرة للعام الحالي خصوصا بعد المخالفات الكتير اللي حصلت في موسم الحج بتاع السنة اللي فاتت بسبب تسفير اعداد كبيرة من المواطنين بتاشيرات الزيارة لعمل مناسك الحج واللي للاسف نتج عنها وفاة اعداد كبيرة من الناس اللي سافرت بسبب ان مكنش لهم اي خدمات أو خيام أو اي سبل راحة في السعودية وقت قيامهم بعمل مناسك الحج.
علشان نكون عارفين أن نتيجة المخالفات اللي حصلت في موسم الحج للسنة اللي فاتت، وزير السياحة والآثار حول 36 شركة سياحة بعد ما التحقيقات اثبتت قيامها بتفويج حجاج مصريين علشان يعملوا مناسك الحج بتاشيرات زيارة، والوزارة قررت الغاء تراخيض الشركات دي تماما، ولسه في تحقيقات مستمرة في وزارة السياحة والآثار وفي شركات جديدة هيتم الغاء تراخيصها الفترة اللي جاية بسبب اشتراكهم في تفويج مصريين لعمل مناسك الحج بتاشيرات الزيارة.
طيب اسعار العمرة السنة دي هتوصل لكام؟.
السنة دي وعلي عكس المتوقع قررت عودة تنظيم رحلات العمرة البري والبحري، والشروط الخاصة لرحلات العمرة البرى، والضوابط شددت علي التزام شركات السياحة بكافة الشروط والضوابط الفنية الصادرة من الإدارة العامة للنقل السياحي بالوزارة في الجزء الخاص بالمركبات السياحية والسائقينن ولازم يكون موديل العربية المنفذة لرحلة العمرة ميقلش عن عن عام 2020 .
ناصر ترك عضو اللجنة العليا للحج والعمرة قال أن أسعار العمرة هتبدأ من 22 ألف جنيه وهتوصل لأكثر من 40 ألف جنيه بخلاف تذكرة السفر سواء كانت طيران أو بحري أو بري، وقال كمان أن اسعار العمرة هيتم احتسابها وفقا للمستوي الخدمي والقرب من الحرم المكي ومستوى الفندق اللي هيحصل عليهم المعتمرين وقت وجوده في السعودية لعمل مناسك العمرة
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
