تحدث المخرج محمد سامي عن فكرة تقديم جزء ثاني من مسلسل جعفر العمدة، وذلك من خلال لقاء له ببرنامج عرب وود، المذاع عبر شاشة تلفزيون قناة روتانا.
حديث محمد سامي عن مسلسل جعفر العمدة 2
وقال محمد سامي في تصريحاته التي يرصدها موقع تحيا مصر: جعفر العمدة 2 مشروع عشان يتعمل لازم يدرس جدا جدا، مينفعش أغامر بنجاح جعفر العمدة 1 وادخل اعمل 2 بلا دراسة، جعفر العمدة مسلسل مهم ومن أهم المسلسلات اللي حصلت في الفترة الأخيرة، مش برأيي أنا كلكم عارفين ونجح نجاح كبير في الوطن العربي كله، المسلسل دا لازم يتعمل بحساسية رهيبة ولازم نركز كويس اوي أننا لو هنعمل جعفر العمدة 2 نفكر هيتعمل ازاي عشان ينجح أكتر من الجزء الاول.
محمد سامي: تامر حسني هو سبب النجاح اللي انا فيه لما دعمني في مسلسل آدم
وسبق وأن تحدث المخرج محمد سامي عن نجم الجيل تامر حسني ووجه محمد سامي رسالة لـ تامر حسني كشف من خلالها عن مساندة تامر حسني له في بداياته الفنية من خلال دعمه في مسلسل آدم الذي يعد أولى أعمال المخرج محمد سامي وكان من بطولة تامر حسني وحقق وقتها المسلسل نجاحًا ضخمًا، وأعرب محمد سامي في رسالته عن سعادته بصداقة تامر حسني وفخره به وببقائهم سويًا، ونوفر في السطور التالية حديث محمد سامي عن الفنان تامر حسني.
وكتب محمد سامي في منشور له عبر فيسبوك: “وَلَا تَنْسَوُا الْفَضْلَ بَيْنَكُمْ و أنا قاعد إمبارح في التصوير افتكرت الرحلة و الشقي و التعب من أول عمل لحد العمل اللي بصوره دلوقتي وافتكرت صعوبة الحصول علي فرصة عشان الواحد يثبت نفسة و يحقق أحلامه، فطبعا افتكرت أخويا وصاحبي الجدع الطيب الخلوق اللي دعمني من أول لحظة و كان سبب في اللي أنا فيه دلوقتي، تامر قدملي كل الدعم والحب و الامكانيات اللي خلتني اثبت نفسي وبالذات في وقت كان صعب الشباب ياخد في الدراما فرصة بحجم مسلسل آدم".
أخر أعمال محمد سامي
ومن الجدير بالذكر أن أخر أعمال محمد سامي مسلسل نعمة الافوكاتو الذي تم عرضه عبر شاشات التلفزيون المختلفة في الموسم الرمضاني الماضي، وكان يشارك في بطولته عدد كبير من النجوم والنجمات، منهم: مي عمر، أحمد زاهر، أروى جودة، وغيرهم.
